Standardbild Berichte

Triathlonvorbereitung in Ecuador

Autor: Melanie Annaheim
Han letscht Woche nomol en gueti Woche in Madrid gha und vöu/hert chöne trainiere! Am erschte Wochenende sches 25 Grad gsi und eg ha mi wie im August gfüehlt!
Jetzt beni set em Mäntig in Ecuador! Do esch es öpe 32 Grad warm und het 80% Luftfüechtigkeit…
Am Mäntig sei mer is offizielle Hotel brocht worde! I der Schwiz gets vermuetlech niene es sötigs Hotel! D’Tüecher im Badzimmer send dreckig gsi und ou söscht eschs ned sehr ahmächelig gsi…
Mer händ de am zwöite Tag beschlosse, dass mer is einzige 5Stern-Hotel do (Schwizer Verhältnis 3Stern) zögle und secher guets Esse händ! Wet do ned no ergendwelchi Bakterie ufläse….
Be no nie amene so arme Ort gsi! Esch wörkli unglaublich was meh do alles gseht und meh muess ab und zue mol leer schlucke! Aber ou das zgseh, esch secher en wertvolli Erfahrig uf mim Weg! Werde ömu secher weder d’Verhältnis dehei vöu meh schätze!!!
Am Sonntig hani mis erschte Renne vo dere Saison! Es send leider nur 15 Fraue am start, aber das esch jo glich… Muss eifach mini dringend nötige Pönkt hole und de esch guet! D’Zielvorgab hani jo – min. Top 3 J!
Eg wörd mi fröie öpis vo der chalte Schwiz zghöre!!!
Liebe Gruess Melanie
Foto 1: Usblick vom Zimmer im erschte Hotel
Foto 2 + 3: Idröck vo der erschte Usfahrt met em Velo Foto 4: Der Spital vo do
Foto 5: Nach 1h Velo fahre bi bewölktem Wetter hani so Sonnebrand gha L! Do esch d’Sonne extrem stark….

X